شوب ليبراليه وصلحه ( محمد داوود) مقال هام باذن الله

محمود داود يكتب: شوب ليبرالية وصلحه !

شوب ليبراليه وصلحه ( محمد داوود) مقال هام باذن الله Posted_left

Date: 2011-09-01 22:08:17 شوب ليبراليه وصلحه ( محمد داوود) مقال هام باذن الله Posted_right

شوب ليبراليةوصلحه !

تعرف يا
كابتن أنت وهو وهي لو الجهل أتكلم؟! يا عم ده مجرد إفتراض! هيقول نفس
الكلام اللي قالوه في الفيديو ده بالحرف الواحد..طيب مين اللي بيقول؟!
الاستاذ عمرو حمزاوي والأستاذ أسامة الغزالي حرب.وتقدر تسمعه على اللينك ده قبل ما نعلق عليه

نبدأ أولاً بالأستاذ عمرو حمزاوي:
طبعاً زي ما انتوا عارفين ان الاستاذ عمرو حمزاوي بيذكرنا بشخصية(عبده الرومانسي) وشوفنا كلنا الموقف الجميل والمقالة الرومانسية الجميلة اللي كتبها في حب الفنانة بسمة بعنوان (أشك)
وأكيد عرفتوا انهم كانوا رايحين يتسحروا وناويين السحور بقى وكل
حاجة..قوم أيه بقى!..وهما ماشيين على المحور..طلعوا شوية عيال حرامية
ثبتوهم..وخطفوا بسمة بالعربية بتاعتها وطاروا..وبعدها بلغوا عن الحرامية
ورجعت بسمة سليمة وكل شي تمام..وبس يا سيدي دي كل الحكاية...وبعدها سمعنا
عمرو حمزاوي يُصرح بحبه لبسمة وقصة الحب الجامدة جداً والتي هي أشبه بقصة
حب (حزلؤوم و نعمة).
هيطلع واحد يقولي..وأنت مالك يا جدع أنت ؟! هقولك صح يا عم أنا مالي بس
حبيت أهدي الراجل المظلوم المهضوم حقة هدية..عايز أهدي هدية كبيرة وتحية
تقدير وإحترام للـ(حرامي) اللي طلع وثبتهم..لان كان هو السبب و ولع اللمبة وأضاء الكلوب اللي خرج قصة حب(عمرو و بسمة ) للنور..أصل لامؤخذة لولا الحرامي مكنش الحب ده هيخرج للنور ولا حتى للحنطور .
هيطلع واحد تاني يقولي يا جدع أنت ده حرامي يعني المفروض يتعاقب وأنت عايز تعطي له هدية؟!
ما أحنا قلنا لكم "أقطعوا أيد الحرامي"
قلتوا أطلعوا من البلد وده أفترى .. رغم ان من كام شهر مسكوا كام بلطجي
في ميدان التحرير وقلعوهم ملابسهم وعلقوهم على الشجرة ونزلوا فيهم
طحن..وإلا ما شفنا واحد علماني ولا ليبرالي وطلع قالهم يا جماعة هو حرامي
وبلطجي ومخطىء لكن مينفعش تهينوا آدميته..لكن إيزي إيزي .
1- عمرو أديب بيسأل عمرو بيه حمزاوي وبيقوله(أيه العيب لما الشريعة تتطبق في مصر؟!) كانت إجابة حمزاوي باشا( المواطن المصري هيتخيروا بين نموذجين: نموذج للدولة الدينية والناس شافت منها شوية يوم الجمعة ولسه هيشوفوا منها الايام الجاية) ومعرفش ايه علاقة ده بالسؤال اصلاً
يا ترى شفت أيه في مليونية يوم الجمعة وهو بيقصد المليونية الإسلامية
؟!أنا أقولك انت شفت أيه؟! شفت أن المليونية دي فيها 5 مليون شخص من
الرجال فقط..تخيل بقى منهم 3 مليون متزوجين.يعني ضيف تلاتة مليون للخمسة
مليون المتظاهرين..وتخيل كمان كل واحد فيهم عنده والدين وعنده أولاد..يعني
ضيف عليهم بالميت كمان 3 مليون...كده وصلنا لكام؟ 11 مليون ؟! خد بالك ده
بس في ميدان التحرير..أنت كمان مشوفتش النص مليون اللي كان نازل في
اسكندرية؟ ومشوفتش اللي نزلوا في الصعيد والاسماعيلية وبورسعيد؟! وكلهم
متضامنين مع المليونية الاسلامية؟!
طبعاً انت شفت الملايين دي كلها عرفت مقامك.وانك بتنحت في الصخر..وأيقنت
ان الملايين دي بإذن الله قادرة على أن تأتي برئيس إسلامي قوي..لأن مجمل
عدد الناخبين المشاركين بالفعل في مصر لا يتعدى ال 20 مليون شخص بأمارة
إستتفتاء لدستور .
وكمان أنت شفت في المليونية دي حب الناس للشريعة اللي انت رافض انها
تتطبق.فحسيت بإحباط تحت الباط وبعد ما كنت طاير على بساط لقيت نفسك مسطح
على البلاط.
هتقولي شفت علم السعودية؟! هقولك الراجل اللي رفع العلم قال انا رافعه
علشان عليه راية التوحيد ولو جبت لي علم لونه برتقالي وعليه راية التوحيد
انا هرفعه.وأكيد كلنا شفنا الفيديو..وبعدين كم علم سعودي كان مرفوع غير
علم واحد؟! وهل صاحبة كان بيقول تعيش السعودية؟! هل الملايين بتنادي وتهتف
بإسم السعودية؟! ولا بتهتف بإنهم عايزين يطبقوا الشريعة ويرفعوا راية
الإسلام؟!وخد الصورة دي مني ليك هدية..قولي في الملونية بتاعتكم ليه
الأعلام الحمره دي كانت مرفوعة؟يا إلهي عشرات الأعلام الشيوعية في ميدان
التحرير؟
شوب ليبراليه وصلحه ( محمد داوود) مقال هام باذن الله RedFlags

شوب ليبراليه وصلحه ( محمد داوود) مقال هام باذن الله RedFlags

ولو قلت هما رافعين الاعلام دي كرمز انهم عايزين يطبقوا الفكر الشيوعي ودي
حرية..هقولك والشخص الوحيد اللي رفع علم السعودية رفعها كرمز وعايز يرفع
ما يضمنه هذا العلم من راية للاسلام.
لو قلت أصل المليونية الإسلامية فيها إقصاء لغير المسلمين..هقولك تطبيق
الشريعة يكفل كل الحقوق للمسلم وغير المسلم..وين اعتراضك؟ومتفتكرش تطبيق
الشريعة الإسلامية يعني أقول للنصراني لازم تتزوج على الطريقة
الإسلامية..ولازم تصوم شهر رمضان..ولازم تلبسوا النقاب..والإفتكاسات القرعة
دي.
ومتنساش انكم عملتوا إقصاء لرغبة الشعب وبمنتهى البجاحة طالبتوا بـ"الدستور أولا"
وعملتوا مليونيات تنادي بالدتسور أولاً..يا ترى كانت ضد من هذه
المليونية؟! كانت ضد الشعب لان الشعب هو من إختار الإنتخابات أولاً..فأنتم
آخر من يتكلم عن الإقصاء.
2-يقول حمزاوي عن الدولة الدينية(فيها تمييز للانتماء الديني .وفيها حرمان لبعض المصريين من ممارسة حقوقهم المدنية والسياسية).يا
ترى حمزاوي باشا بيقصد ايه؟ حرمان النصارى مثلاً من ممارسة حقوقهم
المدنية؟! هنقوله مش تتزوج مثلاً؟ اهاااااااا نسيت انك عايز النصراني يتزوج
من مسلمة ويخالف صريح القرآن..بس يا ترى تفتكر النصراني المصري هيوافق
يزوج بنته لمسلم؟!
يبقى كل واحد في دينه..ربنا يعينه..ولا أيه يا حمزاوي بيه؟!
طيب ويا ترى بتقصد أيه بإن في بحرمانهم من ممارسة الحقوق السياسية؟!أها
بتقصد مثلاً حرمان ان يكون في نصراني رئيس جمهورية؟! مهو بالعقل وبالفكاكة
كده دولة 95% منها مسلمين عايز يحمكهم واحد نصراني ازاي يعني؟ حتى لو
عملت انتخابات الناس هتختار مرشح إسلامي..هتقولي هما هيختاروه لإنه
مسلم..هو انت دخلت جواهم يعني؟ وكمان كل واحد حر يختار الرئيس اللي يعجبه
بناء على المعيار اللي هو شايفه صح..يعني مستحيل يكون في حاكم نصراني على
دولة 95% منها مسلمين.
3-بيقول كمان على الدولة الدينية( وفيها احتكار للحديث بإسم الدين واجتهاد المجموعة دي بيفرض عليا.ودي اجتهادات بشرية وممكن أختلف معاك)
والله يا أخويا محدش قالك ان في احتكار للكلام بإسم الدين..لكن كل الحكاية
ان محدش بيتكلم في الدين إلا اللي فاهم فيه..مينفعش واحد جزمجي يروح يفتي
في مجال الطب مثلاً ..أما كلامك عن (الإجتهاد ودي اجتهادات بشرية وومكن أختلف معك) روح بس أنت أتشطر وأدرس شريعة وفقه وعقيدة وتعالى أختلف يا أخويا هو حد مانعك؟!
تعرف يا حمزاوي انك انت وأمثالك فيكم شىء مضحك جداً؟!انك مش عارف حتى
أحكام التطهر من برازك ولا مؤخذة وبتتكلم في تطبيق الشريعة من عدمها؟!يا
جدع بلاش كلام فاضي بقى.
وكمان حتى مش بتعرفوا تقرأوا القرآن وبتخترعوا وبتناطحوا العلماء في
الشريعة وتطبيقها..طيب لو مش عارف يبقى أسكت وخلي اللي عارف يتكلم.
4-و بيقول(وبص على تاريخ الدول الدينية بالرغم من انها كانت بعيد عن الدول العربية والاسلامية بص عليها في حتت تانية)
أضحك يعني ولا أبين سناني؟!بيقولك دولة دينية بعيدة عن الدول العربية
والدول الإسلامية..يبقى أكيد الدول دي كانت بتطبق دين غير دين
الإسلام..يبقى أزاي عايز تقارن الدول النصرانية او اليهودية او البوذية
ألخ ألخ..بالدولة الإسلامية اللي هتطبق دين الإسلام؟ بالله عليك ده منطق
يا حمزاوي؟ يا جدع قول كلام عاقل بقى شوية تعبتني وربنا .
طيب أنت أيه رأيك في الدولة المدنية الفرنسية وكذلك الالمانية وكذلك
الامريكية وهجومهم على المنتقبات؟ يعني عندهم حرية ان البنت تقلع بلبوصه
وكله تمام..لكن لما البنت تتغطى كلها تقوم الحرية بتتبخر؟ايه رأيك...والله
عارف ردك يا حمزاوي وحفظته وهتقول نفس اللي قلته في مناظرتك مع "المهندس عبد المنعم الشحات"
لو سمحت: لا تقارني بأي دولة واحنا عايزين نطبق الليبرالية بنموذج خاص
بمصر لوحدها..رغم انك قلت في حلقة قبل كده لما بتكلم عن الليبرالية ببقى
بقصد امريكا..لكن مش مشكلة.
طيب يا حمزاوي باشا واحنا في مصر هنطبق نموذج إسلامي خاص بمصر ولا تقارنا بأي دولة تانية..كده خالصين يا معلم؟!
5- بدأ حمزاوي يتكلم عن النموذج الثاني (وفي
نموذج تاني هو الدولة المدنية هي دولة لا تعادي الدين ولا تعزل الدين هي
بتنظم العلاقة بين الدين و السياسة ومش عايزة واحد يوقف على منبر يقولك
روح صوت ده واجب شرعي)
ما دامت الدولة المدنية لا تعادي الدين..طيب خلاص ليه رافضين تطبقوا شريعة
الدين ده؟ ولا هو أي كلام في البتنجان؟! وانت مش عايز حد يوقف على المنبر
ويقول روح قول نعم لفلان علشان ده واجب شرعي؟! طيب أشمعني في دي بقى عملت
إقصاء للنصارى؟ ليه مقولتش وكمان مش عايزين كاهن يوقف في كنيسة ويقول
أعطي صوتك لفلان علشان الرب يحبك؟! وحصلت أيام الإستفتاء من الأنبا
روفائيل وهو من أشهر رجال الكنيسة المصرية..أنا ملاحظ ان كل هدفك انك تصب
جام حقدك وغضبك على المطالبين بتطبيق الشريعة وبس..وتبعد النصارى وقت
الإنتقاد..لكن وقت رفضك لتطبيق الشريعة مش هتبعد النصارى لأن رأيهم زي
رأيك صح؟!
وبعدين رغم تحفظي على الكلام اللي هقوله الآن..لكن نفرض ان الشيوخ وقفوا
على المنبر وقالوا اعطوا صوتكم لفلان وده واجب شرعي..مهو ده قصر ديل منك
على فكره..لأن أمثالك مش هينفع يدخلوا يوقفوا على منابر فأنت حسيت ان هما
عندهم وسيلة مش موجودةعندك..بس برضه انت بتطلع على الفضائيات اللامعة
وتشوه صورة التيار الإسلامي بالكذب والتضليل وهو ده المنبر بتاعك..يبقى
زعلانه ليه يا سوسن؟ ماما ضربتني برضه؟!!!
6-وبيقول(ودولة
بتساوي بين المواطنين ومرجعيتها الدستور نقطة على السطر مفيش حاجة اسمها
دولة دينية بمرجعية دينية.الدستور بقى يستخدم المرجعية الدينية زي المادة
اتنين )
طيب أنت غلبتني معاك بصراحة..أنا هخلي عمرو حمزاوي يرد على عمرو حمزاوي..اسمعوا الفيديو ده واحكموا بنفسكم

طبعاً عمرو حمزاوي كان في لقاء ولقى الناس بتهتف وتقول(دولة مدنية بمرجعية اسلامية) قالهم متخافوش (الدولة المدنية مش بتفصل الدين عن السياسة وفيها إلتزام كامل بالمرجعية الدينية)..
والله يا جدع الراجل ده بيقول حاجات غريبة !!..معلش يا حمزاوي باشا أصل
من شوية كان في واحد اسمه حمزاوي بيه بيقول مفيش حاجة اسمها دولة مدنية
بمرجعية دينية..سامحه بقى عيل وغلط.
7- وهنا بقى وقع نفسه وقال ((هل في تعارض بين القوانين المصرية والمبادىء الشريعة الاسلامية؟ يشاورولي على قانون مصري واحد بيعارض مبادىء الشريعة الإسلامية)).راح عمرو أديب لسعه حتة لاسعه وقاله(بس أحنا في مصر مبنقطعش يد السرق) حمزاوي داخ وقال(لا نتحدث عن احكام الشريعة احنا بنتكلم عن مبادىء الشريعة)
أنت نسيت يا حمزاوي باشا أن عمرو أديب أصلاً بدأ معاك الحوار بسؤال وهو((أيه العيب لما الشريعة تتطبق في مصر؟!))
يعني عمرو أديب بيكلمك من الأول على تطبيق الشريعة..ليه أنت بتهرب دلوقتي
يا حمزاوي وبتقول انا بكلمك عن مبادىء الشريعة؟! تصدق منظرك بقى بايخ أوي
أوي..يـع بجد يـــع .

ثانياً: أسامة الغزالي حرب:
1- بيقول (مينفعش نقطع يد السارق علشان كده بننتهك حقوق الإنسان) وحمزاوي وبيهيس وبيقول( اه بالظبط كده).
طيب يا ترى لما واحد بيقتل..وبتحكم عليه بالإعدام..كده أنت مش بتنتهك حقوق
الإنسان؟ ولا مقضيها حموم اللسان؟ يا ترى لما واحد بيسرق ويتحكم عليه
بحكم بالسجن لمدة 6 سنوات مثلاً..مش ده انتهاك لحقوق الإنسان انك تقيد
حريته وتحبسه ولا لاء؟
وكمان ده واحد(جاني) والجاني لازم توقع عليه(عقوبة) والعقوبة لازم تكون
فيها(انتهاك) اما انتهاك لحريته وتروح تحبسه..او انتهاك لراحته وبتشغله في
الاشغال الشاقة.
وبعدين هو مين اللي قال ان السارق تقطع يده؟ مش ربنا سبحانه وتعالى؟ يعني
يا أسامة باشا أنت عايز تقول ان ربنا بينتهك حقوق الإنسان اللي هو خلقه؟!
والمشكلة انهم بيتحمقوا أوي لما واحد يتعصب ويتسائل ازاي الناس دي
مسلمين؟!
ويا أستاذ غزاله ليه حضرتك عايز تكون رحيم مع الحرامي الجاني وتخاف على
أيده من القطع..ومتكونش رحيم على المسروق المجني عليه وتخاف على ماله
وسيارته الخ الخ؟
كم من حرامي سرق واتسجن وهرب؟ كم من حرامي اتسجن وكان عايش في قصر داخل السجن؟ كم من حرامي سرق وأجر واحد غيره يتسجن مكانه؟
وبعدين انت شايف ان لما تقطع أيد واحد.. أووه نووو لاء دي بتوجع أوي
أوي..طيب يا عم هو أنت عايز الحدود تكون ترفيهية؟! يعني اللي يروح يسرق
أقوله هديلك تذكرة لمارينا؟ وهو المطلوب أثباتة..الحدود لازم تكون مفزعة
علشان مش نرتكب الجريمة مرة تانية.
طيب انت شايف ان لما تحكم على واحد 6 سنوات سجن أهون من أن تقطع يده؟ طيب تعالى نحسبها
أنتوا صدعوتنا بالمطالبة بالحرية..وفي ناس ضحت بحياتها علشان الحرية..يبقى
الحرية دي تمنها كبير وتستحق التضحية...طيب انت مش عايز الحرامي يضحي
بأيده ليه مقابل انه يبقى حر طليق وميدخلش السجن؟ وكمان لو راجل راح سرق
واتسجن..انا أزاي هتعظ من اللي حصله علشان مسرقش زيه ؟ مهو انا مش شايفه
وهو مسجون..لكن لو شفت واحد ايده مقطوعة بسبب انه سرق قبل كده..والله
وبالله وتالله هتلقى عدد الحرامية اللي في مصر بيتعدوا على اصابع ايدك
الواحدة..بس اذا ايدك كانت لسه موجودة ومتقطعتش بقى.
ومتفتكرش ان أي حد بيسرقب بتقطع يده بدون شروط معينة..متفتكرش انه تحت أي
ظرف بيسرق فيه تقطع يده..ولما بتقطع يده على فكرة بيستحق يأخذ من الزكاة
وبيتصرف عليه.
2-عمرو اديب بيقوله الدين بتاعنا بيقول نقطع يد السارق وكان رد الغزالي حرب(بني الإسلام على أيه؟ على خمس..أنت هتخليهم ستة بقى وتزود عليهم الحدود؟)
اعزائي المشاهدين انتم الان مع فقرة "زغزغني شكراً" والله الرد بتاعه ده
بيحسسني ان مثلا واحد رايح يقول لعمر أديب ايه رأيك في "جيل هير كود"؟
هتلقى عمرو اديب بيخترع أي كلام لان معندهوش شعر أساساً.
خلونا نسأل الفقيه العالم العلامة الفاهم الفهامة الحبر الأعظم "أسامة
الغزالي باشا"حضرتك حصرت الإسلام في الخمس أركان..طيب المسلمين بيؤنوا
"بالقرآن الكريم"فين بقى في أركان الإسلام الخمسة انك لازم تؤمن بالقرآن
انه من عند الله؟ يا عم بالله عليك بلاش تفتي دي بقت حاجة أومليت خالص.
أركان الإسلام معناها أعمدة الإسلام أي التي يقوم عليها الإسلام..ولكن ليست هي كل الإسلام.
زي أعمدة البيت..بيقوم عليها البيت وهي الأساس..لكن مش هي كل البيت..فخيمتو ولا موش فخيمتو؟
3-عمرو اديب بيقول(في احكام في الدين الإسلامي) ويرد الغزالي باشا ويقول(دي ملهاش علاقة بالدين الإسلامي خالص)
والله العظيم دي أكتر جملة ضحكت عليها في اللقاء كله..بقى أحكام الدين الإسلامي ملهاش علاقة بالدين الإسلامي؟ الله يرحمك يا لمبي
4-وبيقول الغزالي حرب (يعني انت عايز تخلي مفيش دولة مسلمة في العالم إلا السعودية؟)وبيشهيص الجو عمو حمزاوي وبيقول(او نظام طالبان) وبيعلق الغزالي حرب وبيقول(يعني مصر كفرت وتونس والعراق وسوريا كفرت)
أنا والله بجد مش فاهم أيه علاقة ده بالسؤال برضه بس مش مشكلة..وبعدين يا
حمزاوي انت صدعتنا وكل شوية تقول(هنعمل نموذج ليبرالي خاص بمصر) واحنا
هنعمل نموذج اسلامي خاص بمصر..فكونا بقى ...ولو هتقولي نظام طالبان
إسلامي..هقولك فرنسا وامريكا أكتر بلدين بيقمعوا الحريات على وجه الكرة
الأرضية حتى أسأل المنتقبات والملتحيين..ولا النقاب واللحية مش من ضمن
الحريات؟
وسبحان من انطقكم بالحق والله..بيقول يعني انت عايز تقول ان السعودية
مسلمة وباقي الدول كافرة؟! والله واتعلمتوا ان كل ما هو غير الاسلام هو
كفر..طيب بتزعلوا ليه بقى لما بنقول على النصارى اللي هما مش مسلمين انهم
كفار؟! دي بس قرصة ودن صغننه.
5-عمرو اديب بيسأله ليه مش عايزين تحكموا الشريعة؟رد الغزالي حرب (مصر بتحكم بشرع الله وكتاب الله طول عمرها) وعلق عمرو أديب وقال(بقى مصر اللي بتبيع خمره بتطبق الشريعة؟) رد الغزالي حرب بمنتهى الثقة(نسبة الخمره في السعودية أكبر من مصر)
يا عم الراجل بيقولك تطبيق الشريعة في مصر..تقوله الخمر في السعودية؟
بالله عليك انت مش مكسوف؟ وعاملي فيها رئيس حزب ومش عارف تجمع كلمتين على
بعض..وعمرو أديب كسفه وقاله(احنا مالنا ومال السعودية دلوقتي) وكلام الغزالي حرب صريح وقال بالحرف الواحد(مصر بتحكم بشرع الله وكتاب الله طول عمرها) وطبعاً حمزاوي بيشهيص الجو وقال(مقالش الشريعة متطبقة يا عمرو احنا بنتكلم عن المبادىء)
يعني الغزالي حرب يقول مصر بتبطق شرع الله..وحمزاوي بيقول لا الغزالي حرب
مقالش الشريعة متطبقة....بالله عليكم مش كفاية كذب وسخافة بقى؟
6-الغزالي بيقول(الشعب المصري يحترم تعاليم دينه بوزاع من داخله بدون أي نوع من الحاجة لفرضها بشكل او بأخر من الدولة)
طيب يا عم طبقلهم الشريعة بقى لما هما بيحترموا تعاليم الدين.
7-بيتفزلك الغزالي وبيقول(ايهما اكثر عظمة تترك الخمر بوزعك الديني ولا بحكم القانون)
والله في ناس معندهاش وازع ديني..و الوازع الديني لا يكفي لحماية الفرد من
ارتكاب الذنوب..انت بتقول 99% من مصر عندهم وازع ديني..يعني عايز تفهمني
ان ال 1% ده هو اللي بيسرق وبيزني وبيقتل وبيغتصب وبيشرب خمر؟ قول كلام
يدخل النفوخ بقى..وبعدين لما في وازع ديني خلاص متحطش قانون يجرم الخمر
ولا الاغتصاب ولا القتل بقى..مهو كله هيمشي بالوازع الديني..ولما عمرو
أديب قاله(طيب ما انتوا عاملين قوانين للقتل) رد الغزالي وقال(مهو القانون ده لو انا قتلت هيتطبق عليا)
يخرب بيت كده والله..مهو التشريع بتاع قطع يد السارق ده هيتطبق عليك لما
تروح تسرق وتنطبق عليك الشروط..بالله عليكم جبتولنا هسهس حرام عليكم.
8-رجع حمزاوي الحبيب بيقول(أي شريعة اللي هتطبق شريعة طالبان ولا شريعة السعودية)
لا يا خفة هتطبق شريعة القران..انا ليه أخد بلد معينة نموذج وانا عندي
القرآن وهو المصدر؟ لو اخطأت السعودية ونظام طالبان..ما دخل القرآن؟
حمزاوي...طير أنت
9-المفاجئة الغزالي حرب بيقول(اتحداكم لو عملتوا استفتاء في مصر على قطع يد السارق والناس هتوافق)
وأحنا هنقبل التحدي وأعمل إستفتاء..والنتيجة هتكون فوز بإكتساح للمطالبين بقطع يد السارق..تعرف ليه؟
لأن التيار الإسلامي بينظر لمصر على انها دولة فيها شرفاء كتير..وفيها
شوية حرامية قليلين..ومفيش مانع تطبق عليهم حد قطع يد السارق واكيد
الشرفاء دول هيطالبوا بقطع يد السارق.
لكن أنت وأمثالك من العلمانيين والليبراليين بينظروا لمصر على أنها دولة
كلها حرامية ولاد حرامية ومفيش فيها إلا "خماشر واحد" شرفاء ومينفعش نقطع
يد السارق علشان منقطعش أيد الشعب كله وبالتالي الشعب هيرفض في الاستفتاء
قطع يد السارق.
وعجباً لأمركم والله..ازاي تكونوا رحماء بالحرامي (الجاني) ومش رحماء بالمسروق(المجني عليه)؟! اديني عقلك.
كلمة أخيرة:
لكل شخص مسلم مؤمن بالقران..القران ده فيه شريعة..وما دام أنت مسلم هل
تكره تطبيق الشريعة اللي موجودة في القران؟ ولا انت فاكر ان القران ده
خلاص مش وقته ويا دوب القران احطه زينه في الفاترينه واقرأ منه في الصلاة
شوية وخلاص؟هل ربنا أنزل لينا التشريع علشان نزين بيه السيارات والحوائط؟
ولا علشان نطبق احكامة؟ومتتصورش ان الدولة الاسلامية هنرجع تاني نركب"جمل"
ونقعد في "خيام" وان الكمبيوتر بدعة والسيارات بدعة..والكلام الأهبل اللي
بيقولوه ده.البدعة
تكون في الدين فقط..يعني لو واحد راح يصلي العصر خمس ركعات..هقول عليه
بيتبدع لانه عمل شىء مش موجود في الدين...لكن هل الدين مثلا قالنا اركبوا
جمال وناموا في الخيام ومش تستخدموا الكمبيوتر؟ أكيد لا..يبقى الحاجات دي
مش بدعة لانها لا تخص الدين...بالعكس القران قالنا(أفلا يتدبرون)(لعلهم يتفكرون)(هاتوا برهانكم)(إقرأ)ومن مات وهو يطلب العلم له الجنه.ولا تنسى علماء ال�

» باذن الله حذف خدمه الرسائل لارقام موبنيل من شريط الحكمه نصره لدين الله
» مؤشرات تشير إلى اعدام العادلي قريبا باذن الله
» ضمان الحصول على كعكة ناجحة مائة بالمئة ..باذن الله
» ▓▐► انتظرونا باذن الله مع فيديوهات حصرية تبين حال ابو الفتوح والعوا لكل منخدع◄▌▓
» صلى الله على محمد