ANGEL HEART
( إذَا مَاتَ الإِنْسَانُ انْقَطَعَ عَمَلُهُ إلاَّ مِنْ ثَلاَثٍ : صَدَقَةٍ جَارِيَةٍ ، أَوْ عِلْم
 الديانة : 
 الجنسية : بلادي وإن جارت عليّ عزيزةُ وأهلي وإن ضنوا عليّ كرامُ
عدد المساهمات : 7806
 العمر : 48
 المهنة : معلم خبير لغة إنجليزية
 الابراج : 
 الأبراج الصينية : 
نقاط : 186830
السمعة : 246
تاريخ الميلاد : 07/12/1975
تاريخ التسجيل : 29/03/2010
الموقع : https://fgec.ahlamontada.com/
 العمل/الترفيه : Expert master of English
 المزاج : عبد ذليل لرب جليل
 |  موضوع: حكايتي مع الجامعة ..!!! 2011-06-12, 1:52 am | |
| [b][size=16][b][size=16][b][size=16][b][size=16] [/size][/b][/size][/b] [/size][/b] [/b]
حكايتي مع الجامعة ..!!!
>> اكيد ده حلم اى بنت لسه خارجه من بهدلة الثانوى!!
اكيد نفسها تعيش حياتها ..
نفسها بجد تفرح ، نفسها تبقى بنوته style وتعيش انوثتها ..
نفسها اكيد برده تقابل فارس احلامها ..
وده كله طبيعى لاى بنت فى سنها جواها طاقة كبيرهة اوى..
حيويه ونشاط وعاطفه وحب ..
واكيد عايزه تعيش بيهم ايام الجامعه اللى متتعوضش .......
لكن ياترى عيشه الفراغ وقعدات الجناين وشلل الشباب والبنات هيا طريق راحة بالها وسعادتها !!!!
ياترى لو قضت سنين الكليه مابين المكياج والخروجات وقعدات الاصحاب تبقى خرجت من الجامعه وهى راضيه ومبسوطه!!!
ياترى لو عاشت من غير طموح ومن غير هدف من غير مايبقى نفسها تدوق طعم نجاح هتقدر تمشى معتزه بنفسها رافعه راسها!!!
حبيبتى
انا حاسه بكل اللى انتى نفسك فيه ومريت بنفس احلامك وعملت اللى انتى
عايزه تعمليه لكن من جواايا مكنتش مبسوطه مكنتش بضحك من قلبى مكنش بالى
مرتاح مكنتش واثقه من نفسى كنت دايما حاسه انى بدور على حاجه بس مش لاقياها
حاسه ان فى حاجه غلط .......
وفى وسط
كل ده كنت بلاقى بنات زمايلى صمموا يكملوا مشوار كفاحهم حاولوا فى
الثانويه وفى منهم حقق حلمه وفى منهم محققش ... لكن صمموا يكملوا مكنش حلم
اوائل الدفعه بعيد عن بالهم ولا حلم التعيين فى الجامعه غايب عن تفكيرهم
مسمعوش كلام اللى قالهم الامتياز دا مستحيل .... يارب مقبول ونعدى!!!
قلت لنفسى انا هتعقد كمان فى الكليه امال هعيش حياتى امتى ؟؟؟؟؟
قولت لنفسى الدراسه مش كل حاجه وحتى لو مكنش ليا مستقبل فى دراستى ادينى هتجوز ومش هصرف على نفسى !!!!
بصيت
لقيت فى عيونهم امل عجيب وعلى وجوههم راحه البال اللى بحلم بيها ماشيين
مابين ثقه وسعاده وحب وامل بصيت لقيتهم على الحير دايما متجمعين وبحب ربنا
دايما ملممومين
حاسيين ان ليهم قيمه .... بالبلدى كده ناس ليها لازمه فى الدنيا
تلاقيهم فى حلقه قرأن بتحوطهم الملايكه او فى دار ايتام وربنا بينظر ليهم نظره رحمه
لما لقيت
بجد السعاده فى عيونهم والحب الحقيقى اللى مجمعهم حسيت بالفرق بين حالى
وحاالهم احنا الاتنين بنتين دخلنا الجامعه فى وقت واحد وظروف واحده
وبمشاعر وحده وبحلم واحد
لكن
واحده فينا عرفت ازاى توصل لسعاده قلبها الحقيقيه عرفت تمشى الطريق الصح
وفضلت ماشيه فى الطريق وقلبها موصول بخالقها متلاقيهاش فى مكان ربنا مش
راضى عنه ولا تلاقيها بتعمل اعمال ربنا نهى عنها وفى نفس الوقت كل حياتها
طموح وامل دنيا واخره كل حياتها حب وخير بتحطه فى محله فبقت ماشيه مبسوطه
طايره على الارض من فرحتهاا
وواحده
تانيه فضلت تاييهه تخبط يمين وشمال بتدور على السعاده من ابواب تقطع
صلتها بخالقها وتموت فى قلبها كل احساس بسعاده او راحه.....
مش هكدب عليكى فى الاول بتحسى فعلا انك مبسوطه مع الشله والجنينه والنادى والمكياج واللبس الاوفر
لان دى وظيفه ابليس انه يوريكى الحرام جميل والحلال خنيق
لكن بعد فتره هتلاقى قلبك اتخنق من كتر الحراااااااااااااام !!
لان الانسان جسم وروح ولما بتسمعى الاغانى ولا تقعدى مع فلان فى النادى
انتى كده بترضى الجسم لكن الروح ملهاش غير غذااء واحد هو طاعة الله
والله
هتيجى بعد فتره تحسى انك مخنوقه رغم ان هيبقى عندك شله تحفه وشاب طول
النهار مغرقك كلام حب وعربيه بالاغانى فيها على اعلى صوت !!
بس هتلاقى نفسك زهقتى
والله بنصحك ومن قلبى لانى خايفه عليكى ومش عوزاكى تغلطى نفس غلطتى........
حبيبتى ابدئ صح واعرفى انك بدخولك بوابه الجامعه انتى قدام طريقين وقدامك الخيار
لكن ياترى هتبعدى ... ياترى هتخلى اللى انتى عايزاه فوق اللى ربنا عايزه منك....
احنا بجد
من غير عون ربنا لينا ولا حاجه نسوى ايه ؟؟؟ احنا اللى مش مالكين حتى
انفاسنا مش عارفين لو نمنا النهارده هنصحى تانى ولا مش هنصحى ؟؟!
مش عارفين لو خرجنا من بيتنا راجعين ولا مش راجعين؟!
مبنلاقيش حد جنبنا فى اى ازمه غيره ولما ينجينا منها بننساه ؟!
ربنا
خلقنا ويعلم فين تكون راحة قلوبنا وعمرك لو لفيتى الكون عشان تلاقيها
ماهتلاقيها فى معصيه بجد عمرك ماهتحسيها ..... هتضحكى وتمرحى وتتفسحى لكن
صدقينى وانتى مخنوقه هتعيشى بجد فى وهم وفى الاخر يطلع ولا
حاااااااااجه...
فى الطريق اللى ربنا رسمهولك ولما ربنا يرسملك حجاه يعنى مصلحتك لانه هو الرحيم بعباده
وربنا يعينك ويثبتك وييسرلك ويعينك ........ اوعى تقطعى قلبك عنه مهما بعدتى
خليكى موصوله بيه حتى لو بتعصيه وادعيه يقدرك على نفسك ويقدرك على طاعته
قوليله يارب جتلك بقلبى ومنايا اوصلك انا يارب ضعيفه ولوحدى مقدرش قوينى بيك وارفعنى ليك
ادعى وقولى يارب قلبى بايدك انت بس يارب صلحلى قلبى يارب شيل حب الدنيا من قلبى
يارب املى قلبى بحبك يارب حببنى فى القرأن يارب اهدينى لطريقك اللى اخره جنتك
يارب ... يارب.... يارب
بقلم \ د . هديل الجابرى
27\1\2009
(( رحمها الله ))
نسألكم الدعاء لها
********************
كلمة أخيرة :
اللى كانت كاتبه الكلام ده كانت بنت فى كليه
طب فى سنه 5 ومااتت فى حادثه على الطريق _حادثه عربيه_ كانوا رايحين
الامتحان الصبح وماتوا كلهم وقتهاا
بس كلام هديل لسه احنا بنقراه ولسه ناس باذن الله بتتهدى بيه وبتزيد حسنات هديل باذن الله وهيا فى قبرهااا
شوفوا بقى الفرق بينها وبين حد تانى مات ولسه اصحابه بيسمعوا الاغانى اللى هو بعتهلهم كل مابيشغلوها هو بتزيد سيئاته فى قبره
شايفين الفرق بين الاتنين اد ايه كبير ؟؟؟؟؟؟؟؟؟؟
هديل سابت حاجات تساعدها حتى بعد ما ماتت
انت بقى هتسيب ايه ؟؟؟ وعملت ايه ؟؟؟
ياريت كل واحد يفوق بقى وكل بنت تراجع حساباتها ونشوف احنا رايحن على فين يا شباب ؟؟
الموت مش بعيد عني وعنك ..
كفاية بقى ويلا نبدأ صفحة جديدة مع الله من الآن..
يلا نعيش أحلى حياة في طاعة الله..
| |
|
افتخر بنقابى
عـــــــ مراقب ــــــــــــام للأقسام
الديانة : الحمد لله على نعمة الاسلام
الجنسية : ارض الانبياء والاتقياء والشرفاء الانقياء
عدد المساهمات : 1083
العمر : 36
المهنة : ليس بعد
الابراج : 
الأبراج الصينية : 
نقاط : 19401
السمعة : 73
تاريخ الميلاد : 29/08/1988
تاريخ التسجيل : 11/01/2011
الموقع : http://baghdadsniper.net/ar/index.htm
العمل/الترفيه : القراءة والاطلاع
المزاج : بخير والحمد لله
| | موضوع: رد: حكايتي مع الجامعة ..!!! 2011-06-28, 5:58 pm | |
| | |
|
