كتير مننا بيسمع القران .. سواء على الكومبيوتر او على الموبايل او من التليفزيون ..

كتير مننا بيسمع القران .. سواء على الكومبيوتر او على الموبايل او من التليفزيون ..
بس للاسف أغلبنا بيسمع وهو مش مركز نهائيا ..عقله في عالم تاني..

كانت بداية التغيير في حياتي مع القران اول ما جبت الموبايل..كان 6630 من حوالى 4 سنين الكلام ده..
واوضتي في اخر جزء من الشقة بعيد عن النور والدوشة ..كنت اخد بعضي وادخل واقفل على نفسي واشغل الموبايل واحط الهاند فري ..
ولاول مرة بدات احس يعني ايه قرآن ..!!
لأو مرة احس فعلا قد ايه الواحد كان محروووووووووم !!
لاول مرة احس قد ايه احنا مقصرين في نعمة من اكبر النعم اللى ربنا اداها لامة الحبيب النبي صلى الله عليه وسلم!!
لاول مرة احس بقول الله تعالى (لو أنزلنا هذا القرآن على جبل لرأيته خاشعا متصدعا من خشية الله)
قد ايه فعلا قلوبنا ماتت مش قسيت وبس !!!
قد ايه الحياة ملهاش لازمة من غير البكاء من خشية الله !
سبحان الله..ومن ساعتها أدمنت سماع القران..مقدرش ادخل البيت من مااشغل
القران ..وعلى طول معايا في المواصلات وفي الكلية وقبل ما انام وفي كل
مكان..

من فترة قريبة ..كنت في البيت لوحدي ..انتهتزها فرصة..وكنت منزل شوية
تلاوات خاشعة من موقع تي في قرآن..وقعدت على السرير واسترخيت تماما وشغلت
الموبايل..ودخلت في عالم تاني..من المواقف اللي عمري ما هنساها..انا كنت
عايش الايات فعلا..خواتيم سورة ابراهيم..اواخر سورة مريم..اواخر سورة
المؤمنون..سورة الزمر....
كنت بتخيل المواقف والواحد قلبه بيرتعش قبل جسمه..ساعتها انهرت في بكاء
هسيتيري لمدة ساعتين متواصلتين من هول ما تخيلت.. وكنت خايف جدا ان حد
يرجع البيت ويشوفني كده وانا مش قادر امسك نفسي نهائيا..!

بجد يا جماعة ياريت نجرب نسمع القران بقلوبنا مش بالأذن وبس..هتفرق جامد
جدا في حياتنا..وبالذات من الشيخ اللي بتحب تسمعله وبتخشع معاه..واوصيكم
بلسماع للشيخ ماهر المعيقلي ..ربنا يبارك فيه يارب..
واخيرا..وبفضل الله انا اتممت حفظ القران سماعا ..!
من كتر السمع والله ..لما بدأت احفظ ..كنت بحفظ السورة في 10 دقايق !!
وده من اكبر نعم ربنا على الواحد..ربنا يرزقنا شكر نعمه علينا..

ومعلش طولت عليكم..

ادعولي ..