اعذرينى يا أمى انا مش هجيب لحضرتك ابدا هديه عيد ام!!!!

اعذرينى يا أمى انا مش هجيب لحضرتك ابدا هديه عيد ام!!!!
فى مثل هذا اليوووووووم.............كل سنه أمى تبكى فاليوم ده!!!
عارفين ليه عشان عيد الام اللى ابتدعوه وهو ما هو الا بدعه...............ولكنى حقيقى عمرى ما جبت لامى هديه عيد ام.....بس فاكر وانا صغير كنت بجيبلها جيرسى ومندولين واقولها هاتى تمنهم (: بس كان عندها الجيرسى ده حاجه بالدنيا... كلها عشان ابنها فاكرها ومش نسيها ابدا بالرغم انها كانت تقولى كل انت واما تاكل انت اكنى اكلت وانا اللى كنت باكل الجيرسى (:....................
بس اما كبرت شويه قولت الله طيب هو فيه حاجه اسمها عيد الام؟؟؟؟
يعنى افضل مبهدل امى 355يوم واجى يوم عيد الام اجبلها هديه واجرى عليها واحضنها...............اه ده جميل بس ليه ميكونش طول السنه
طيب موضوع حكمه فالدين: هو بدعه وكل بدعه ضلاله وكل ضلاله فالنار
ده راى الدين...
طيب راى العقل؟؟؟
العقل قال لو جبت كنوز الدنيا لامك يوم واحد لا يعادل جحودك وعقوقك ليها 355يوم
طيب رأى القلب؟؟؟؟
حب وحنان وعطف يوم يخلص تانى يوم انما حبك لامك يوم بعد يوم وكل يوم يزيد ويكبر وكل ثانيه تقربك من قلب امك ومن ربك
هقولكم ليه امى عمرها ما قالتلى ليه انت مبتجبليش هديه يوم عيد الام:
الكلام ده مش فخر بنفسى ولا اى حاجه ولكن اتمنى حد يتعلمه منى لانه بجد سبب سعاده لاتفارقنى: ايام مكنت فالثانويه وبذاكر ليل نهار افتكر امى كانت تجبلى اكلى لحد اوضتى وكل شويه عصير وتنام شويه وتصحى تعملى حاجه وتغطينى وانا بذاكر وتبكى عشان بتشوفنى مبنمش.......كنت مش عارف اردلها جمايلها دى ازاى!!!
ولكن لما كانت تدخلى مثلا بكباية عصير كنت اوطى على ايدها ابوسها قبل ما اخدها منها..........
والله بوستى على ايدها كانت بتنسيها الدنيا وكانت تحس انى عملت حاجه كبيرة اووووووى وازاى كانت بتكون مبسوطه.......وده عمل بسيط جدا
وافتكر مرة رايح مشوار لقيت امى جايه من شغلها كده وهى فى وسطت الشارع حسيت احساس ابن نفسه يبوس راس امه....قولت انا فالشارع والناس ممكن تستغرب
ولكنى اول ما وصلتلها قولت ايه يعنى فالشارع لقيت نفسى بحط مشاعر ابن فى قبله حنونه على رأس امه..........قد ايه كان شعور امى وازاى مسكت نفسها بالعفيه ومسكت دموعها فرحانه بعمل بسيط جدا ولقيتها بتحكى لزميلاتها فالمكتب ازاى انا عملت معاها كده..................بس هى مفكرة انها هى اللى فرحانه ومرتاحه متعرفش ازاااااااااااى بوسه زى دى شالت من على صدرى هموم زى الجبال
يا جماعه عوزين يكون حبنا لامهاتنا وابائنا كل يوم زى بعضه بل يزيد....مش يوم فالسنه
مين هيقول انا هبوس راس امى وايدها وايد ابويا بكرة ان شاء الله او ما يصحوا من النوم؟؟؟؟؟؟؟؟
مييين هيقول انا مزعل امى وان شاء الله حالا هقوم اصالحها؟؟؟؟
ميييييين هيقول بأ انا اضحك مع كل اصحابى وابويا حبيبى عمرى ما بضحك فى وشه وديما خناق.....انا هقوم اصالحه حالا ميييييين؟؟؟؟
اياك تنسى ان رضا ربنا فى رضا ابوك وامك
اللهم اجعل ابائنا وامهاتنا ممن غفرت لهم وكتبتهم من اهل اليمين يارب العالمين وسائر المسلمين