الامتحانات ع الابواب ..الوصفة السحرية..هام ومفيد جدااا

الإمتحانات ع الأبواب !!!
خلاص الوقت أزف
إيه يا عم إنت جاي تقلب لنا بطننا ؟؟ إحنا قلقانين لوحدنا
لا لا أنا مش جاي أقلقك أبداً .. وإنما أنا جاي أقولك لسة في فرصــــة
فررررصة إييييه؟؟ .. أنا خلاص .. ضعت .. من أول السنة وأنا عمال ألعب خلاص الأمر منتهى بالنسبة لي




((الكلام ده مش كلامي .. ده كلام ناس كتير طلبة وطالبات))

إنهاردة جايين نقولك إن لسة في فرصـــــة تطلع الأول على دفعتك وتطلعي الأولى على مدرستك
أنا؟؟
طبعا .. بس تعالى نشوف إزاى ؟؟

إعلمى تمام العلم إن الله لا يضيع أجر من أحسن عمله .. وإحنا هنجتهد أشد إجتهاد في الفترة القادمة .. في الشهر اللي فاضل .. مذاكرة .. احتساب .. تنظيم وقت .. تقليل نوم .. اجتهاد فوق الحدود .. تميز .. وتفوق ..

بإرادتك هتتخطي كل الحواجز والصعاب .. أهم شئ يكون عندك هدف <<<<<<<
هدف قوي جدااا تسعى لتحقيقه ..
إيه هدفك؟؟ :
التميز .. لازم اتميز لأن ديني لا يقبل إلا أن أكون متميزاً .. متفوقأً .. لأنك مسلم لازم تكون الأول دايما

إيه الكلام الكبير ده ..؟؟ أنا مش قد كدة ؟؟
لأ .. إنت قد كدة وأكتر من كدة .. والله لو صدقت النية وعزمت على الإجتهاد وإحتسبت هذا المجهود عند الله هتلاقي نتايج مزهلة بمعنى الكلمة ..
لا تستبعد أبداً إنك تكون من الأوائل .. اعقلها وتوكل ..

تذكر يوم النتيجة .. وإنت بإذن الله تكون في قمة سعادتك لحصولك على أعلى الدرجات وأنتى حصلتي على أعلى التقديرات

والدك ووالدتك .. والفرحة في عيونهم بيكي .. وتبقي أدخلتى السرور على قلبهم وكمان حققتي البر لوالديك اللذان طالما دعوا لكي وأعطوكي كل ما تريدي من أجل أن تنجحي فقط وتفرحيهم .. لا أنا مش هنجح بس أنا هتفوق لله ثم لوالدي ثم لبلدي الى محتاجة المتفوقين محتاجة علماء مسلمين وطلاب متفوقين وعقول مميزة


**الوصفة السحرية لتنظيم الوقت**
الصلااة على اوقاتها ..للبنت في اول الوقت
وللشاب في المسجد ((بس تنزل تصلي وتطلع على طول))
والله هتلاقي بركة رهيبة في الوقت .. ومن الله التوفيق
واذا شعرت بضيق .. ألا بذكر الله تطمئن القلوب

طب أنا عاوز برنامج عملى .. أنا إتحمست جدااا إنى أنجح مش بس إنجح لأ .. أتفوق وأتميز ..

****إنت فاشل .. إنت ضايع .. المادة دي صعبة جدااا .. ده انت لو عملت ايه مش هتفهم الحتة دي .. بص المادة دي متشالة متشالة .. أنا سمعت دكتور (س) بيقول إن انا هبهدلكم في الإمتحان الفاينال (النهائي) .. الدكتور ده أخد إسمي وشكله هيسقطنى ...


كفاااااااااية .. استنى هنا .. هو ده اللى مودينا ورااا .. الإيحائات السلبية ..
ظبط نفسك نفسيا .. وإياك أن تستمع للإيحاءات السلبية أو تتناقلها أنت بلسانك .. وإنما أكثر من الإيحاءات الإيجابية ..


هتفوق .. إن شاء الله هنجح ... يا رب خير .. الله المستعان .. ربنا ييسر لى أمرى .. هجتهد والتوفيق من الله .. المادة دي بدأت فيها إمبارح وطلعت سهلة بفضل الله .. لو وقفت معايا حاجة هسأل المعيد .. هسأل الدرس / الدكتور / أصحابي اللى فاهمين الحتة دي هيشرحوهالى .. ليرين الله منى ما أصنع ..
((العامل النفسي مهم جداااا ))
**************
ركز معايا هنا جدااااا
حدد هدفك كويس جدا واسعى ليه
أبدأ من الآن ادخل اشرب عصير واتوضا واقرأ على الأقل صفحة من القرآن الكريم وادعى ربنا يوفقك في مذاكرتك وأبدأ بسم الله والحمد لله واشتغل في المادة .. وقبل ما تحط قلم فيها .. حدد أنا هخلص انهاردة كذا وكذا .. واوعى تيأس إنك مخلصتش اللى إنت حددته .. لأ حاول جاهدا إنك تخصله والأفضل إنك تحدد حاجة معقولة بمعنى تحقيقها ليس بمستحيل ..

المواد العلمية :
1/اقرأ القواعد والنظريات وحاول تفهمها جيدا ..
مفهمتهاش .. اقرأها تانى .. مفهمتهاش .. اقرأ مثال عليها .. حبذا لو استخدمت الورقة والقلم في كتابة المثال والنظرية ..
2/ استخدم اكبر عدد من الحواس لتحقيق أفضل النتائج .. يعني عينيك وصوتك وإيدك في الكتابة وهكذا ..
3/ حاول تحل ولو مسألة واحدة بس على اللى ذاكرته علشان المعلومة تثبت

المواد الأدبية :
1/ اقرأ المادة (الدرس/المحاضرة) كويس وحاول وانت بتقرأ تفهم ما تقرأه ليسهل فيما بعد حفظه
2/ التكرار .. (التكرار يعلم الشطار)

عموما في المذاكرة عامة حط في دماغك 3 حاجات اساسية
1/ تبعد عن المشتتات .. أو أى حاجة تحس انك ممكن تنشغل بيها او تضيع وقتك
2/ اختيار مكان مناسب بعيداً عن السرير ((طبعا كلكم بتذاكروا على السرير وترجع تقول أول ما بفتح الكتاب معرفش إيه اللي بيحصل لى وأنااااام)) اختار مكان حيويى وشكله مريح بالنسبة لك
3/ الحياة مش كلها أفش .. فروحوا القلوب ساعة بعد ساعة ده مش معناه ان كل نص ساعة اقوم انط من ع الكتاب وأقول بريح شوية
وانما كل ساعتين او 3 ساعات ريح ربع ساعة تشرب فيها حاجة .. تقف شوية في البلاكونة .. ترد على تليفون (بس بلاش رغي كتير)

أجمد أوقات المذاكرة .. بعد الفجر .. ثبت علميا أن وقت افجر تكون خلايا المخ نشيطة جدااا

مليت من المذاكرة .. حاسس إنك تعبت من أقل شئ .. جاهد وافتكر على طول الهدف بتاعك وتوكل على الله واستغفر وكمل

طب أنا بسرح كتيييير .. حاول تبعد عن كل ما يشغلك وفرغ ذهنك تماما وقت المذاكرة .. او ما تسرح .. متيأسش وانما استعيذ بالله من الشيطان وسمي الله وكمل مذاكرتك

انجز في اليوم ما يرضي نفسك عنك .. بحيث تشعر بالرضا والتفاؤل وتواصل تاني يوم بكل جد وروح ونشاط قوي

اخرج مع اصحابك آخر الأسبوع .. بس متتأخرش برة وحط في دماغك إنى خارج علشان استعيد قواى واقدر أواصل مذاكرتى .. واحتسب خروجك لله وإياك ثم إياك أن يكون في خروجك معصية لله .. ((وكلنا فاهمين كويس ))

اكثر من الدعاااااء واطلب من والديك ومحبينك الدعاء لك وباذن واحد أحد سترى نتائج مذهلة .. ولح على ربنا في الدعاء فالله يحب العبد اللحوح .

ساعد أصحابك لو طلبوا منك مساعدة .. ولا تبخل .. فهو مسلم مثلك مثله وتحب له الخير (حب لأخيك ما تحبه لنفسك) وأسأله الدعاء لك

((يارب اجعلنا سببا في نصرة هذا الدين .. يارب وفقنى وجميع المسلمين .. اللهم ذلل لنا الصعاب ووفقنا لما تحب وترضى))

لا تنسوا نشر الموضوع .. لعل الله يوفقنا واياكم .. وودع النت ولو هذا الشهر فقط .. بالتوفيق ومنتظرين أكبر نتايج



*********

نسا لك الدعاء لنا بالصبر على امور الد نيا الهم امين شكرا

هذا هو شعار المرحلة لدى الأسر العربية الآن ، وأبناؤها صنفان : الأول يعرف طريقه بإتقان ، ويصمم على أن يكسب الجولة .. والآخر تعبان ، لا يجدى معه (برشام) (علاوله) ، يلعن الزهر الذى خان ، وكأنها لعبة طاولة .. أقصى ما يحلم به نوال (وسام شرف المحاولة)
===================================
وحيث ان الأرقام فى اللجان .. تضع الطالب النبيه مع الآخر الخيبان، والننوس بجوار الجعلوص ، من خلال المبدأ المعروف (تكافؤ الرؤوس) !
=================================
فقد فُتح المجال أمام من تسلح بالعلم وصال وجال .. للجلوس جنباً إلى جنب مع من تسلح بقرن الغزال !.
=================================
وهى فرصة على أى الأحوال .. كان يستفيد منها الأخير فى لطش إجابة سؤال .. صعبة المنال..
=================================
وكان الغش حق مكتسب من حقوق الإنسان داخل اللجان ، فى الماضى .. تحت شعار ( الملآن يكب على الفاضى ) !.
===============================
أما فى ظل تفعيل تطوير السياسة التعليمية الآن، فيجب أن نجعل من نتيجة الامتحان معياراً حقيقياً لقدرة الإنسان على الفهم والاستيعاب، لا الحفظ والغش ونقل المعلومات.
================================
كما يجب أن تبتعد وسائل الإعلام أيضاً عن إسلوب الترهيب والإزعاج ، باستخدامها عبارات ومانشتات وأخبار على غرار (باقى من الزمن أيام على امتحان الثانوية العامة)!، (تحديد مصير كام ألف طالب خلال أيام) ! ، (الصراع المحموم من أجل الوصول لكليات القمة)!... إلخ
================================
عند الامتحان يكرم المرء او يهان
قدم الى القاهرة من بلاد فارس رجل طويل القامة، عريض المنكبين، ابيض اللحية، فصيح اللسان. واقام في أحد احيائها الشعبية القديمة. وكان يجلس منذ الصباح حتى المساء أمام منزله والقلم والكتاب لا يفارقانه أبدا .
زاره أ...حد شبان الحي مرحبا بقدومه على الطريقة الشرقية في حسن الضيافة، محاولا ان يعرف من هو وما الذي حمله على المجيء الى حيث هو. قال له الرجل الغريب: اني علامة أتنسك للعمل ولا أقوم بأي عمل آخر بل أعيش على هدايا طلاب المعرفة. لقد انعم الله علي بموهبة فريدة فصرت اختزن كل علوم الأرض وآدابها وفنونها بحيث لا يسألني أحد سؤالا، أيا كان نوعه وشأنه، إلا ويلقى مني على الفور جوابا أكيدا .
دهش الشاب بما سمع فراح ينشر الخبر في الحي. وإذا بالسكان يؤلفون وفدا كبيرا منهم ويبادرون إليه عند المساء. هذا يحمل علبة من الحلوى، وذاك سلة مملؤة بالثمار وذلك كمية من البن والسكر. ورحبوا بقدومه وجعلوا يوجهون إليه أسئلتهم :
قال له الأول بينهم: ما عدد نجوم السماء، أيها العلامة الجليل؟
أجابه العلامة: اكتب على ورقة رقم 7 وزد عليه ثلاثة وتسعين صفرا تنل الجواب الصحيح .
قال الثاني: متى وجد البشر على الأرض وأين؟
أجابه العلامة: وجدوا منذ ثلاثة ملايين واربعة الاف وثلاثمائة وخمس وسبعين سنة وثلاثة اشهر وخمسة أيام. وكان يدعى المكان الذي وجدوا فيه هلياس .
قال الثالث: من هو صاحب المثل السائر: الابن سر أبيه، فكان الجواب: انه العباس بن المعلس .
أذهلت براعة هذا العلامة بالكلام وسرعة خاطره وسعة معرفته الحاضرين فرجعوا من عنده في آخر السهرة وهم يمجدون الخالق لانه أرسل إليهم هذا لعبقري لكي يزيدهم معرفة في كل شأن من شؤون الحياة .
بعد حين انتشر الخبر بسرعة البرق في الأحياء المجاورة فتهافت الناس أفواجا الى العلامة وهم يحملون أليه الهدايا فيطرحون عليه أسئلتهم في كل حقل وموضوع وهو لا يتلعثم بالجواب السريع .
كان بين سكان الحي شاب نبيه اسمه مصطفى لطفي المنفلوطي تخصص بالأدب والفقه فعلم بأمر هذا العلامة وعرف من الأجوبة التي أعطاها انه مشعوذ محتال يستثمر سذاجة الناس لكي يعيش على حسابهم. فمضى أليه مع أهل الحي في إحدى السهرات وجعل يصغي الى ما يسألونه وما يرد هو عليهم، ولا يتلفظ بكلمة لكنه تأكد تماما من خداع الرجل .
في الغد دعا هذا الشاب سكان الحي وقال لهم: لا يغرّنكم هذا الداهية بأجوبته فليس منها اي جواب صحيح. وإذ رآهم قد استغربوا كلامه وحسبوه محسودا منه، قال لهم: عند الامتحان يكرم المرء أو يهان. تعالوا الان نركب كلمة لا معنى لها من الحرف الأول من كل كلمة اسم من أسمائكم ثم نسأله ما معناها. وهكذا كان فإذا الكلمة المركبة هي خنفشار .
عندما دجا الليل قصدوا إليه وسألوه: ما معنى الخنفشار. فمسح شفتيه ?أجاب: انه نبات في أطراف الهند الشرقية، ثمره احمر وشكله شبيه بالبرتقال، وهو يشفي من داء السكري .
ما أن أتم العلامة المزعوم كلامه هذا حتى قهقه الحاضرون وهتفوا بصوت واحد: فليحيا الخنفشار. وانصرفوا من عنده بدون وداع. أما هو، وقد ادرك افتضاح أمره، فرافقهم الى الباب وهو يفرك رأسه ويقول: أنى أشكو الليلة من صداع شديد .
لما انصرف الناس من عنده حزم أمتعته وترك البيت، على غير رجعة، تحت جنح الظلام. ولم يعد يسمع أحد عنه شيئا. ولعله راح يجرب حظه من جديد في غير مدينة .