دبسنى ... شكرا .. بقلم أ/ ابراهيم ابو زيد

دبسنى ... شكرا

كنت بصلى فى الجامع ، واثناء الصلاة سمعت صوت واحد بيزعق وبيتخانق

...وبعد ما خلصت صلاة ، قولت أروح استكشف الواقعة

فلقيته راجل عجوز ومتنرفز ... تقريبا حد داس على جلبيته

:)

...حاولت اتكلم معاه وأحاول أمتص غضبة

وفعلا تم بفضل الله ، وابتسم وقالى إنت إسمك إيه؟

و فتح معايا الكلام ، وبعدين سألنى قالى إنت بتشتغل؟

قولتله لا ....بدرس

قالى : فىن

قولتله : كلية التربيه
راح قالى :....تعرف يابنى ...إتنين تاعبينا أوى فى المجتمع
ولما بيغلطوا ...بيكون غلطهم قاسى أوى

قولتله ....الدكتور والمدرس

قالى : الله يفتح عليك

بعدين ...مسك إيدى وشد عليها وقالى :

أنا بحملك أمانة هسألك عليها يوم القيامة ...إنك تفضل مخلص فى عملك ونضيف...ومش بس كده تراقب من حولك ومتسكتش على الغلط طول حياتك

قالى ومتنساش ...هسألك عنها يوم القيامة
..........................................

قولت .....ياااااه ...أمانة صعبة أوى

وحاسس إنى إتدبست ... بس تدبيسه حلوة
لأنها رساله من ربنا ليا

وعشان ...مشلش الأمانة دى لوحدى ، كتبت الكلمتين دول عشان تحملوا الأمانة معايا
و تكونوا مخلصين فى شغلكم وتراعوا ربنا ...أى كان طبيعة شغلك...وكمان متسكتوش على أى حاجه غلط تشوفوها

اللهم قد بلغت الله فأشهد

شير ياعم ....وحمل الأمانة لباقى أصحابك

يمكن يبقى بكرة أحلى بينا ...لو راعينا ربنا فى شغلنا

والسلام عليكم

(وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ

» قصيدة حى على الجهاد ☞ :: بقلم : مستر ابراهيم حجاج :: ☞
» ابطال فى زمن أشباه الرجال .. بقلم مستر ابراهيم حجاج
» رسالة سورية من الأراضى المصرية خواطر بقلم ●● مستر ابراهيم حجاج ●●
» حصرى : قصيدة : تساقط طواغيت الأمة بقلم / مستر ابراهيم حجاج
» حصرى : قصيدة : تساقط طواغيت الأمة بقلم / مستر ابراهيم حجاج