والفاسدين بعدها عملوا نوع من الحشيش إسمه (( باي باي رشدي ))

عارفين مين دة ؟

اكيد جيل السبعينات عارفه كويس جدا ..

دة اللواء احمد رشدي

كان وزير الداخلية في التمانينات .

من أفعاله :

كان بينزل الشارع في أي وقت وفي أي مكان بدون حراسة لدرجة إنه اتنكر مرة
في صورة صعيدي ودخل قسم إمبابة في نصف الليل يبلغ عن عربية نقل مسروقة عشان
يشوفهم هيعملوا ايه

فقابله الضابط الليلي وقالله عايز ايه ؟

رد الوزير وقالله عربيتي اتسرقت يابيه .. نزلت اجيب حاجة من الكشك وانا راجع ملاقتهاش

الظابط راح قايلله هو احنا ناقصينك يابن (......) معرفتش تحافظ عليها ليه يابن(......) تلاقيك كنت شارب حشيش يابن (......)

خلع الوزير العمة وظهر وشه قدام الظابط ولما الظابط عرفه كان هيموت من الخوف ..

أمر ساعتها الوزير بتغيير كل طاقم القسم ..

الوزير دة كان في عهده فعلا مفيش إختلاف على مسئولي الأمن كان كل الناس بكل طوائفهم بيحبو الشرطة وكانت المعاملة من أجمل ما يكون

الوزير دة كان بيحارب تجار المخدرات لدرجة إنه قضى عليها كلها من مصر وقبض على كل تجار المخدرات .

حتى انه في يوم راح مجلس الشعب أثنا ء انعقاده وقاللهم لو فيه حشيش في البلد يبقى طالع من مكتبي (( يعني انا اللي هتحاسب عليه ))

وطبعا لما ذاع صيته والمصلحجية من أعضاء مجلس الشعب والعاملين في الفساد
احسوا بقرب إنتهائهم قاموا دبروا خطة استغلوا فيها الأمن المركزي وولعوا في
البلد لدرجة إن الجيش فرض حظر تجول .. وطبعا بعدها استقال اللواء احمد
رشدي

والفاسدين بعدها عملوا نوع من الحشيش إسمه (( باي باي رشدي ))

حسبنا الله ونعم الوكيل .

شير وعرفوا الناس أي حد كويس بيتعمل معاه ايه

m.a

والفاسدين بعدها عملوا نوع من الحشيش إسمه (( باي باي رشدي )) 167462_327334724013299_114736171939823_790812_998670548_n

» قصيده في سلمان رشدي
» مرة 5 ستات عملوا حادثة بالعربية كل واحده اتصلت بجوزها
» المراجعة النهائية فى القصة لن تحتاج شئ بعدها
» صراخ شقيق سيد بلال بعد سماعه طرق تعذيب الشهود على قتل شقيقه: “أومال عملوا إيه في اخويا”
» كيف تحترم ذاتك .. لتجبر الجميع باحترامك بعدها !!!!