يا جمااااااااااااااعة تنبيه من الآن

السلام عليكم ورحمة الله وبركاته

يا جماعة أنا بفضل الله عضو في حزب النور ( أمانة امبابة )
يعني أنا مرحلة تانية . . . رحت أنا و بعض الأخوة من عندنا علشان نساهم مع
الأخوة في القاهرة في انتخابات المرحلة الأولى . . . والله يا أخوة مهازل
بتحصل بسبب عدم التنسيق وعدم وجود عدد كافي من المتطوعين كان فيه لجان ما
فيهاش حد من الحزب خالص والناس اللي فيها عايزين ينتخبوا حزب النور ومش
عارفين لدرجة إني قابلت واحد أدلى بصوته تحديدا في دائرة قصر النيل وقالي
يا جماعة حرام عليكم أنا لا عارف رمز الفردي ولا عارف أرقامهم وكنت متحسر
جدا أني إديت صوتي لأي رمز وخلاص . . . وعدم تواجدنا في اللجان الانتخابية
سبب في أن بعض الناس تفتري علينا الكذب وتغرر بالناخبين البسطاء . . . يا
جماعة أرجوكم من دلوقتي حتى لو مكنتش عضو في حزب النور تروح على أقرب أمانة
أو شياخة وتنسق معاهم علشان آداء الحزب في المرحلة التانية برضو ميكونش زي
المرحلة الأولى . . . حتى ولو ساعة واحدة لله عز وجل . . . لو هتكلم واحد
بس عن الحزب . . . لو هتوزع مطوية واحدة . . . لو هتعلق بوستر أو بانر واحد
. . . تخيل أن تأتي يوم القيامة وفي ميزان حسناتك بلد بأكملها طبقت
الشريعة وعاشت في رخاء بسببك . . . اعمل بهذه النية ولك أجرك عند الله . . .
. وهذا نداء للأخوة وللأخوات على حد سواء

اللهم اهدنا لأحسن الأعمال لا يهدي لأحسنها إلا أنت

الله المستعان

» تنبيه هام :: لرواد القسم الكرام
» التحرير الآن
» :: أنا الآن محبوس في الثلاجة .. ::
» تنبيه هام : بخصوص تحميل أى مادة معروضة فى المنتدى .. حتى لا تخسر الكثير
» تنبيه: استعمال الإيميلات المزيفة و الغير صحيحة في أحلى المنتديات